திமுகவை அப்படியே லாக்-டவுன் செய்த தேர்தல் ஆணையம் -உல்டா செய்ய வாய்ப்பே இல்லை

 2016 மற்றும் 2021ல் நடந்த தேர்தல் நடந்து முடிந்து வாக்கு எண்ணும் நிலையங்களில் பொதுவாக திமுகாவின் முகவர்கள் அதிகமாக இருப்பார்கள். இவர்கள் பல தில்லு முல்லு வழிகளை பாவித்து, குறைந்த எண்ணிக்கையில் தோற்றுப் போகும் திமுக வேட்பாளர்களை வெல்ல வைத்து விடுவார்கள். அது எப்படி என்பது ஊர் அறிந்த விடையம். ஆனால் இந்த முறை அது நடக்க வாய்ப்பே இல்லை ராஜா என்றாகிவிட்டது.

தமிழகத்தில் விறுவிறுப்பாக நடைபெற்று முடிந்த தேர்தலின் வாக்கு எண்ணிக்கை மே 4-ஆம் தேதி நடைபெற உள்ளது. அன்று வாக்கு எண்ணும் மையங்களில் எவ்வித குழப்பமும் தில்லுமுல்லுகளும் நடைபெறாமல் இருக்க இந்தியத் தேர்தல் ஆணையம் அதிரடி உத்தரவுகளைப் பிறப்பித்துள்ளது. இதற்காகப் புதிய புகைப்பட அடையாள அட்டைகள் வழங்கப்பட்டுள்ளன. இதில் உள்ள கியூ.ஆர் கோட் வசதி மூலம் போலியான நபர்கள் உள்ளே நுழைவது முற்றிலும் தடுக்கப்படும்.

தேர்தல் ஆணையம் கடந்த ஓராண்டாகத் திட்டமிட்ட 30-க்கும் மேற்பட்ட சீர்திருத்தங்களில் இதுவும் ஒன்றாகப் பார்க்கப்படுகிறது. இதன்படி, வாக்கு எண்ணும் அறைக்கு வெளியே மூன்று விதமான பாதுகாப்புச் சோதனைகள் நடைபெறும். கியூ.ஆர் கோட் ஸ்கேனிங் முறை மூலம் ஒரு அதிகாரியின் உண்மைத்தன்மை உறுதி செய்யப்பட்ட பிறகே அவர் மையத்திற்குள் அனுமதிக்கப்படுவார். அறைக்கு வெளியேயே இதற்கான பிரத்யேக ஸ்கேனிங் மையங்கள் அமைக்கப்பட்டுள்ளன.

வேட்பாளர்கள் மற்றும் அவர்களின் முகவர்கள் (Agents) வாக்கு எண்ணும் மையத்திற்குள் நுழையும் போது இந்த புதிய டிஜிட்டல் முறையைப் பின்பற்றுவது கட்டாயமாக்கப்பட்டுள்ளது. இது தவிர, அங்கீகரிக்கப்பட்ட ஊடகங்களுக்குத் தனி இடங்கள் ஒதுக்கப்பட்டுள்ளன. தேர்தல் ஆணையத்தின் அங்கீகாரக் கடிதம் உள்ள செய்தியாளர்கள் மட்டுமே மையங்களுக்குள் அனுமதிக்கப்படுவார்கள். இந்த நடைமுறை தேர்தல் முடிவுகளில் அதிக நம்பகத்தன்மையை ஏற்படுத்தும் என அரசியல் விமர்சகர்கள் கருதுகின்றனர்.

தமிழகத்தில் உள்ள அனைத்து வாக்கு எண்ணும் மையங்களிலும் இந்த நடைமுறையைத் திறம்படச் செயல்படுத்த மாவட்ட ஆட்சியர்கள் மற்றும் தேர்தல் அதிகாரிகளுக்கு உத்தரவிடப்பட்டுள்ளது. மிக உயர்ந்த தரத்திலான பாதுகாப்பை உறுதி செய்ய வேண்டும் என்றும், எவ்வித சமரசமும் இன்றி விதிகளைக் கடைப்பிடிக்க வேண்டும் என்றும் அறிவுறுத்தப்பட்டுள்ளது. இதனால் வரும் மே 4-ஆம் தேதி தமிழக அரசியல் வரலாற்றில் மிகவும் பாதுகாப்பான ஒரு வாக்கு எண்ணிக்கை நாளாக அமையும் என்பதில் சந்தேகமில்லை.